再來精彩！
#鄺大俠
家訪小弟心目中的陳近南……鄺大俠！(第三節)
尋晚寫到兩點，今朝七點起身做足準備(唔係去迪士尼)去同老細s開會，由於渣架錢七(極度深愛的愛駒)出去，路上無睇Facebook,返到公司先睇，見到咁多圈友們都Like左，心情直頭係尋晚攪掂左心怡對像咁樣(你懂的)，個樣已經唔多正經既小弟，成朝嘴角都笑淫淫！😆😆😆
開會小休途中，見到好多大家既回覆，好似人地話你知你老婆剛生左個仔咁樣！😜
講下講下，唔記得左要寫埋得獎感言……唔係！家訪情況先啱，開心得滯，意亂情迷添，差D想講埋多謝樂小姐同珍姐！😉
大部份發燒友都好注重中間人聲定位高度，口形大細，夠唔夠sharp！有D人乜野樂器同人聲都攪到達成一塊，仲要大大聲叫我聽下：細佬，知唔知咩叫定位呀！！呢D咪叫質感囉！！
我只能答：今日終於知喇！😩
我坐係大俠個皇帝位，大俠播左幾首歌，每次播完，都只問我跟住要聽乜(個樣當然無我平時對D客咁衰啦)，播放途中，乜都唔同我講，我都想問下大俠……你以為我賣Hi Fi就一定識聽音樂既咩……😣😣😣😣
好，你唔同我講野，我自己聽！(又好似港女咁)
就係因為大俠唔同我講野，我又唔敢出聲，咁啱大俠又播Hit爆靚女(唉…我淨係記得個靚女個樣)春江花月夜， 琵琶起一出，嘩！燈燈……燈燈……，有無睇周星馳"功夫"先，古箏真係有殺傷力架！！靚女琵琶好似一道氣咁一巴打過黎話：細佬，呢D咪叫質感囉！
跟住一浸慢而有力的勁風係對面慢湧過黎，你以為就咁呀？！兩下實而不肥的"泵泵"話你知：細佬，呢D咪叫低音層次同延伸力囉！
電子樂+靚女琵琶+低音+空氣感
細佬，呢D咪叫層次同包圍感囉！
我只能講：我今日終於知喇，大俠！
😢😢😢😢😢
跟住大俠肯講野喇：聽下人聲啦！
唔知係咪同Lee388夾定，拎隻100大天碟其中之一，Harry Belafonte出黎，Day.........O,
,我聽左萬幾次啦！
大俠個環境唔算好闊，約12尺闊，威威喇叭離側牆只有約一尺，Day....O,得啦！定位同質感我知啦，都話聽過萬幾次絡！大俠又唔出聲！妖……自己聽囉！！
Harry Day......O完……點解……左邊喇叭後面兩三尺位，五六個和音(太突然，唔記得數！)打直側身唱歌既？！！！
聽左廿幾年，都覺得一堆人係喇叭內側入面唱個喎！而家喇叭外側兩三尺後面打直排開五、六個一齊唱……！
音場穿牆過壁，和音係牆內唱歌！
音壓同音量無論內、外側及一定有的中間定位都完全一致！無話外側會比中間細聲D！
D和音一路唱，一路笑我：細佬，呢D先叫音場呀！！你以為你聽左萬幾次就叫識呀？！！
叻人使乜下下話你知自己套機如何偉大，有本事自己黎聽！
鄺大俠，名不虛傳！！！
見圖，紅線係實牆，藍線係音場
Search